Россия спордун маастара Ньургун Давыдов кэриэһигэр VII өрөспүүбүлүкэтээҕи турнир - Чурапчыга

Ньургун Давыдов – Д.П. Коркин аатынан Чурапчытааҕы олимпийскай эрэллэри бэлэмниир спортивнай орто интэринээт оскуола 2005 сыллааҕы выпускнига. Оскуола кэнниттэн Чурапчытааҕы государственнай физкультура уонна спорт институтын, онтон салҕыы Смоленскайдааҕы физкультура уонна спорт университетын магистратуратын ситиһиилээхтик бүтэрбитэ. Оскуолаҕа үөрэнэр сылларыгар дэгиттэр спортсмен быһыытынан бэйэтин көрдөрбүтэ. Ол курдук, кыра сааһыгар бальнай үҥкүүгэ республика чемпиона буолан, Уһук Илин Федеральнай уокурук турнирыгар кыттыбыта. Сүүрүүгэ өрөспүүбүлүкэ сүүмэрдэммит хамаандатын састаабыгар киирэн, Хабаровскай куоракка Саха сирэ – Япония матчевай күрэхтэригэр кыттыыны ылбыта. Ол эрээри Ньургун кутун туппут көрүҥүнэн көҥүл тустуу буолбута: оҕолорго «Боотурдар оонньууларын», ССРС спордун үтүөлээх маастара В.Н. Гоголев аатынан турнирдар кыайыылаахтарынан буолбута, улахан дьоҥҥо Н.Н. Тарскай кэриэһигэр ыытыллар өрөспүүбүлүкэ чемпионатын боруонса призерынан, Смоленскай уобалас чемпионунан буолбута. Ньургун успуорт национальнай көрүҥнэрин эмиэ олуһун сэҥээрэрэ, хапсаҕайдаһан тустууга «Мамонт” хамаанда чиэһин көмүскээбитэ, мас тардыһыытыгар Бүтүн Арассыыйатааҕы турнирга боруонса мэтээли ылары ситиспитэ.  Футболга турнирдарга Бастыҥ оонньооччу Бастыҥ кимэн киирээччи бириистэринэн наҕараадаламмыта. Бу барыта Ньургун Егорович дэгиттэр сайдыылаах спортсмен буоларын туоһулууллар.

Ньургун Егорович кэриэһигэр турнир аан бастаан 2013 сыллаахха кини бииргэ үөрэммит доҕотторун тыл көтөҕүүлэринэн, төрөппүттэрин, үөрэммит оскуолатын салалтатын өйөбүллэринэн ыытыллыбыта. Турнир устуоруйата номнуо киэҥ, туспа суоллаах – иистээх.         

Манна даҕатан эттэххэ, билигин ааттаах – суоллаах бөҕөстөрбүт бу ыытыллыбыт турнирдарга ситиһиилээхтик кыттыбыттара. Ол курдук, Олимпийскай оонньуулар кыттыылаахтара, Европа чемпиона Владимир Егоров, Георгий Окороков, Европа икки төгүллээх призера Эдуард Григорьев, спорт норуоттар икки ардыларынааҕы кылаастаах маастара Ньургун Александров бэйэлэрин кэмнэригэр бу турнир кыайыылаахтарынан буола сылдьыбыттара.

Турнир үөрүүлээх аһыллыытыгар эҕэрдэ тыллары Чурапчы улууһун успуортка салаатын салайааччыта Д.В.Егоров, Д.П. Коркин аатынан Чурапчытааҕы олимпийскай эрэллэри бэлэмниир оскуола-интэринээт дириэктэрэ С.А. Захаров, Чурапчы нэһилиэгин баһылыгын солбуйааччы У. И. Туласынов, Чурапчытааҕы государственнай физическай култуура уонна спуорт институтын проректора Е.В. Коркин, Саха Өрөспүүбүлүкэтин көҥүл тустууга уолаттарга сүрүн тренерэ В.И. Данилов, Ньургун доҕотторо И.И. Андросов уонна В.И. Романов эттилэр. Ньургун Егорович аҕата Егор Иннокентьевич Давыдов эдэр бөҕөстөргө туһаайан тыл эттэ уонна турниры сылтан сыл үрдүк таһымҥа тэрийэр салайааччыларга, күүс-көмө буолар спонсордорга, Ньургун доҕотторугар, бииргэ үөрэммит оҕолоругар махтал тылларын анаата.  

Быйылгы сэттис турнирга барыта 10 улуустан уонна Дьокуускай куораттан 207 эдэр бөҕөс кытынна. Күрэхтэһии кылаабынай судьуйатынан Ануфрий Егорович Аржаков үлэлээтэ. Ыйааһыннарынан чемпионнар уонна призердар Ньургун Егорович Давыдов мөссүөнээх мэтээллэринэн, кубоктарынан, бастаабыттар сэттэ, иккистээбиттэр – биэс, боруонса мэтээллээхтэр үстүү тыһыынча харчынан бириистэри туттулар. Чемпионнарга ону тэҥэ өйдөбүнньүк лиэнтэлэр кэтэрдилиннилэр. Турнир бастыҥ бөҕөһө Чурапчыттан Вася Смирников Ньургун Егорович дьиэ кэргэнин анал бирииһин - сотовай телефону тутан үөрдэ. «Бастыҥ техникан иһин” бириис Чурапчыттан Федосеев Ерлан, “Турнир бастыҥ хапсыһыыта” – Максимов Эйнар (Горнай), Находкин Айдын (Дьокуускай), “Бастыҥ быраҕыы” – Карпов Марат (Амма), “Кыайыыга дьулуурун иһин” – Петров Айаал (Чурапчы), Кононов Байдам, “Турнир бастыҥ судьуйата” – Скрябин Степан Михайлович (Амма), “Чемпионнар тренердэрэ” Иван Пантилов (Уус Алдан) буоллулар. Спортивнай түөлбэ саамай инникилээх бөҕөһүнэн Валера Диодоров ааттанан, Ньургун Егорович оҕо сааһын доҕотторун бирииһин 25 тыһыынча харчынан бириистэрин тутта. Ыйааһыннарынан чемпионнарга үгэс буолбут долгутуулаах түгэн буолла. Ол курдук, Ньургун Егорович бииргэ улааппыт доҕотторо олохтообут 25 тыһыынча уу харчынан бирииһэ саамай бааттаах чемпиоҥҥа Саян Федоровка (Нам) тигистэ. Саян ону тэҥэ, «Элбэх ыраас кыайыытын иһин” аймахтар туруорбут 30 тыһыынчалаах анал бириистэринэн - планшетынан наҕараадаламмыта. Михаил Дмитриевич, Анна Николаевна Гуляевтар дьиэ кэргэн бириистэрэ эдэр кэскиллээх бөҕөстөргө Айаал аржаковка уонна Кристиан Новгородовка туттарылынна.  Маны таһынан, Ньургун Егорович Чурапчыттан, Амматтан чугас аймахтарын, дьиэ кэргэн табаарыстарын, Чурапчыттан, Томпоттон үлэ коллективтара, профсоюз лидердара, физкультура ветеран учууталлара, Ньургун учууталлара, иитээччилэрэ, бары спонсордар үгүс ахсааннаах эгэлгэ бириистэрэ эдэр бөҕөстөргө, күүс-көмө буолбут дьоҥҥо, көрөөччүлэргэ туттарылыннылар.

Турнир түмүгэр өссө биир традиция салҕанна. Ол курдук, хапсаҕайдаһан тустууга улахан уолаттарга муҥутуур кыайыылаах аатын ылар иһин түһүлгэ тэлгэннэ. Манна кыайыылааҕынан Артур Кузьмин буолан, эмиэ Ньургун доҕотторо олохтообут 25 тыһыынчаларын ылары ситистэ. Финалга хотторбут Сарыал Григорьев эмиэ өттүк харалаах барда. Ол курдук, киниэхэ уон тыһыынча уу харчынан туттарылынна.

Чахчы да, Ньургун Давыдов турнира оҕолор, көрөөччүлэр кэтэһэр күрэхтэрэ буолбута үөрүүлээх суол. Спорду өрө туппут Давыдовтар дьиэ кэргэн, Ньургун төрөппүттэрэ Надежда Константиновна, Егор Иннокентьевич бу турнирдары тэрийэн, эдэр тустууктар сайдалларыгар улахан кылааты киллэрэллэрин сылдьыбыт дьон бэлиэтээтилэр.

Аны 2027 сылга ыытыллар VIII Ньургун Егорович Давыдов аатынан турнирга көрсүөххэ диэри!

Чемпионы и приезры VII республиканского турнира памяти Ньургуна Егоровича Давыдова/ 13-15 февраля 2025 г., с. Чурапча

Весовая  категория до 35кг,  17 участников

1.Сергеев Диас, Якутск

2.Егоров Данил,  Оймяконский

3.Вензель Василий, Амгинский

3.Ермаков Анатолий, Томпонский

Весовая  категория  до 35кг, 14 участников

1.Диодоров Валера, Чурапчинский

2.Моякунов Саян, Якутск

3.Винокуров Саша, Оймяконский

3.Заболоцкий Валентин, Оймяконский

 Весовая  категория  до 38кг, 21 участника

1.Находкин Айдын, Якутск

2.Фомин Ваня, Чурапчинский

3.Никифоров Коля, Амгинский

3.Карпов Марат, Амгинский

Весовая категория до 41кг, 23 участника

1.Федосеев Ерлан, Чурапчинский

2.Петров Вадим, Якутск

3.Новгородов Кристиан, Чурапчинский

3.Атласов Аян,  Мегино-Кангаласский

Весовая категория до 44 кг, 28 участников

1.Макеев Владислав, Усть- Алданский

2.Платонов Николай, Якутск

3. Яковлев Марат, Чурапчинский

3.Петров Айаал,, Чурапчинский

Весовая  категория до 52кг, 22  участника

1.Васильев Уйусхан, Чурапчинский

2.Афанасьев Влас, Мегино-Кангаласский

3.Кульдяев Денис, Мегино-Кангаласский

3.Павлов Константин, Намский

Весовая  категория до 48кг, 26  участников

1. Смирников Василий, Чурапчинский

2.Ачикасов Константин , Чурапчинский

3.Березкин Эльдар, Чурапчинский

3.Лаптев Слава, Горный

Весовая   категория  до 57кг, 25 участников

1.Попов Александр, Чурапчинский

2.Слепцов  Владимир, Чурапчинский

3.Сивцев Данил, Мегино-Кангаласский

3.Ким Тэмин, Якутск

Весовая  категория  до 62кг, 9 участников

1.Федоров Саян, Намский

2.Михайлов Влад, Якутск

3.Охлопков Кристиан, Томпонский

3.Максимов Рассел,Чурапчинский

Весовая  категория  до 68 кг, 15 участников

1. Максимов Эйнар, Горный

2.Протопопов Ахиллес, Якутск

3.Толстоухов Егор, Чурапчинский

3.Сыроватский Айысхан, Якутск

Весовая  категория  до 70кг, 7 участников

1.Тихонов Иван, Нюрбинский

2.Николаев Андрей, Мегино-Кангаласский

3.Слепцов Богдан, Чурапчинский

3.Михайлов Айаар, Чурапчинский

Д.П. Коркин аатынан Чурапчытааҕы олимпийскай эрэллэри бэлэмниир спортивнай интернат оскуола пресс киинэ