Аммаҕа ыытыллыбыт тустуу ыһыаҕа улуус киинин сынньалаҥ пааркатыгар тэрилиннэ. Бу күн спорт бу көрүҥүн сайдыытыгар үлэлэспит, бэйэлэрин кэмнэригэр улуустарын, республика чиэһин көмүскээбит бэтэрээннэри чиэстээтилэр.
Бэтэрээннэргэ анаан-минээн оҥоһуллубут Бэлиэлэр туттарылыннылар. Кинилэр бу күн биир түһүлгэҕэ мустан, дуоһуйа кэпсэттилэр, эдэрдэр күрэхтэһиилэрин көрдүлэр.
Ыһыаҕы спортивнай тустуу федерацията уонна улуус салалтата тэрийдилэр.
Ааптар: Наталья Бубякина, Газета "Амма олоҕо"
