Кыргыттар “Модун” спортивнай кииҥҥэ Надежда Николаевна Белолюбскаяҕа хаһыс да сылын дьаныһан туран дьарыктаналлар. Айгылаана хаамыска, Айсена хабылык быраабылаларын сиһилии кэпсээтилэр. Ыалдьыттар олус сэргээтилэр уонна оонньоон көрдүлэр. Бу остуол оонньуулара киһи өйүн-санаатын сайыннарар, толкуйдуурга, түргэн-тарҕан буоларга үөрэтэр, болҕомтолоох буолуу курдук киһи туруктарын сайыннарар. Маннык хабылык, хаамыска курдук остуол оонньуулара баар эбит диэн дойдуларыгар баран көрдөрүөхтэрэ, билиһиннэриэхтэрэ. Бу курдук биһиги оҕолорбут норуоппут оонньуутун аан дойдуга тарҕатан иһэллэрэ кэрэхсэнэр.
Макс Роде - физкультура уонна география, Дитрих - физкультура, Янина - философия, Галина Онезорге – нуучча тыла уонна физкультура, Юлия Бецлер - немецкэй тыл уонна физкультура, Матиас Бургхард - физика уонна нуучча тылын учууталлара эбиттэр.
Ыалдьыттарбыт бу төрүт остуол оонньуута өссө спорт көрүҥүн быһыытынан республикаҕа сайдан, оҕолорго уонна улахан дьоҥҥо араас таһымнаах күрэхтэр ыытыллалларын истэн сөхтүлэр.
Евгения АРЬЯНОВА, төрөппүт.
