Быйылгы күрэххэ Сунтаартан, Үөһээ Бүлүүттэн, Амматтан, Мэнэ Хаҥаластан, Намтан, Хаҥаластан, Тааттаттан, Дьокуускай куораттан, Уус Алдантан барыта 127 киһи кыттыыны ылла. Маны таһынан 19 оскуола иннинээҕи саастаах оҕолор хабылыкка туспа уонна 39 үөрэнээччи тогыз кумалак диэн казах норуотун интеллектуальнай оонньуутугар күрэхтэстилэр.
Остуол оонньуутугар Саха Республикатын маастардара Үөһээ Бүлүүттэн Николай Терентьев, Надежда Троева, Марианна Павлова, Тамерлан Махаров, Сунтаартан Мария Ксенофонтова, Герман Игнатьев, Уус Алдантан Дарина Потапова уонна Ян Готовцев кыттыылара күрэҕи сэргэхситтэ. Күрэх кыттыылаахтарын ортолоругар республика чемпионнара, призердара эмиэ үгүстэр. Ол курдук кэлин кэмҥэ тахсыылаахтык оонньуур улахан дьоҥҥо Сунтаартан Николай Васильев, Үөһээ Бүлүүттэн Степан Родионов, Тааттаттан Владимир Сивцев, үөрэнээччилэртэн Алеша Махаров, Клим Иванов, Милена Гоголева кыттыылара сэҥээриини ылыан ылла.
Күрэх кыттыылаахтарын олохтоох дьаһалта баһылыга П.С.Сивцев, оскуола директора Я.И. Колодезников, В.Г.Дмитриев кыргыттара Марина, Александра Дмитриевалар эҕэрдэлээтилэр. Петр Степанович, нэһилиэк баһылыга бу турниры үгэскэ кубулутар, сылын аайы саҥардан тиһигин быспакка Найахы ыалдьытымсах сиригэр-уотугар тэрийэр наадалааҕын бэлиэтээтэ.
Владимир Георгиевич Төрүт остуол оонньуутун федерацията тэриллиэҕиттэн биир бастакы пропагандист, оонньооччу этэ. Киниэхэ аналлаах ахтыы нэһилиэк музейыгар, А.М.Степанов аатынан кыраайы үөрэтэр киин саалатыгар тэрилиннэ. Үтүө киһи аата умнуллубат, кэрэ киһи, сатабыллаах салайааччы, талааннаах спортсмен этэ диэн истиҥ, иһирэх тылынан аҕыннылар, хаартысканан матырыйаалы сэҥээрдилэр. Оскуола 10 кылааһын үөрэнээччитэ Света Стрекаловская иһитиннэриитин мустубут дьон сэргээтэ. Манна олохтоох ветераннар, күрэх кыттыылаахтарыттан Мэнэ Ханаластан бииргэ үөрэммит үөлээннээҕэ Прокопий Константинович Андреев, Амматтан пропагандист, тренер Анатолий Михайлов кэлбиттэрэ ахтыы түһүлгэтин ситэрэн-хоторон биэрэн, дьон ирэ-хоро кэпсэтэн тарҕаста.
Турнир алта бөлөҕүнэн өрө күүрүүлээхтик ыытылынна. Бириистээх миэстэлэргэ тигистилэр:
|
1 бөлөх (2007-2006 сс.т.) |
|||||||
|
Тимофеева Ангелина (Уус Алдан, Найахы) |
1м |
Ушницкий Ярослав (Модун) |
1м |
||||
|
Федорова Даяна (Уус Алдан, Найахы) |
2м |
Захаров Ян (Мэҥэ Хаҥалас, Тиэлиги) |
2м |
||||
|
Максимова Алена (Сунтаар) |
3м |
Тастыгин Сергей (Мэҥэ Хаҥалас, Бүтэйдээх) |
3м |
||||
|
2 бөлөх (2005-2004 сс.т.) |
|||||||
|
Гоголева Анжелика (Уус Алдан, Найахы) |
1м |
Махаров Алеша (Үөһээ Бүлүү) |
1м |
||||
|
Давыдова Ая (Модун) |
2м |
Иванов Клим (Үөһээ Бүлүү) |
2м |
||||
|
Сторожева Аня (Модун) |
3м |
Говоров Аркадий (Уус Алдан, Найахы) |
3м |
||||
|
3 бөлөх (2003-2000 сс.т.) |
|||||||
|
Егорова Катя (Үөһээ Бүлүү) |
1м |
Игнатьев Герман (Сунтаар) |
1м |
||||
|
Акимова Мичийэ (Үөһээ Бүлүү) |
2м |
Местников Ганя (Уус Алдан, Найахы) |
2м |
||||
|
Петрова Айыллаана (Уус Алдан, Найахы) |
3м |
Протопопов Дима (Нам) |
3м |
||||
|
4 бөлөх (1999-1977 сс.т.) |
|||||||
|
Румянцева Лилия (Уус Алдан, Найахы) |
1м |
Васильев Николай Петрович (Сунтаар) |
1м |
||||
|
Андреева Аина (Үөһээ Бүлүү) |
2м |
Родионов Степан Анатольевич (Үөһээ Бүлүү) |
2м |
||||
|
Гоголева Милена (Уус Алдан, Баатаҕай) |
3м |
Готовцев Ян (Уус Алдан, Баатаҕай) |
3м |
||||
|
5 бөлөх (1976-1958 сс.т.) |
|||||||
|
Прокопьева Надежда Дмитриевна (Нам) |
1м |
Аргунов Гаврил Дмитриевич (Мэҥэ Хаҥалас, Бэдьимэ) |
1м |
||||
|
Романова Раиса Инн. (Мэҥэ Хаҥалас, Сымах) |
2м |
Кетехов Владимир Романович (Үөһээ Бүлүү) |
2м |
||||
|
Иванова Лариса Михайловна (Якутск) |
3м |
Варламов Алексей Константинович (Таатта) |
3м |
||||
|
6 бөлөх (1957 сс.т. үөһэ) |
|||||||
|
Алексеева Капиталина Михайловна (Якутск) |
1м |
Романов Василий Николаевич (Мэҥэ Хаҥалас, Майа) |
1м |
||||
|
Афанасьева Вера Иннокентьевна (Якутск) |
2м |
Андреев Прокопий Конст. (Мэҥэ Хаҥалас, Лоомтука) |
2м |
||||
|
Григорьева Мария Васильевна (Мэҥэ Хаҥалас) |
3м |
Бескоров Владимир (Үөһээ Бүлүү) |
3м |
||||
Кыра саастаах оголорго Танда, Кэптэни, Найахы оҕо саадын улахан уонна бэлэмнэнии белех иитиллээччилэрэ күрэхтэстилэр. Кырачаан кыргыттарга маҥнайгы миэстэни Гоголева Ванесса (Найахы) ылла, 2м – Готовцева Дайаана (Танда), 3м – Егорова Маша (Танда) ыллылар. Уолаттарга Сивцев Марат – 1 м, Васильев Эрсан – 2 м, Павлов Давид – 3 м ыллылар. Үһүөн Найахы “Чэчир” оҕо саадын иитиллээччилэрэ. Оҕону кыра эрдэхтэн төрүт оонньууга сыһыаран кэскиллээх үлэни ыыталлара кэрэхсэбиллээх.
Кыайыылаахтар сыаналаах бириистэринэн наҕараадаланнылар. Найахы нэһилиэгин тэрилтэлэрэ, олохтоохтортон төрүт остуол оонньуутун сэргээччилэр, өйөөччүлэр спонсордаан бириистэри туруордулар. Олохтоох дьаһалта 20 тыһыынча, оскуола 18 тыһыынча, В.Г.Дмитриев дьиэ кэргэттэрэ 42 тыһыынча суумалаах бириистэри туруордулар.
Турнир муҥутуур (абсолютнай) кыайыылаахтарынан эр дьоҥҥо эрэллээхтик бастаан Николай Терентьев (Үөһээ Бүлүү), дьахталларга кыранан арыттаһан Милена Гоголева (Уус Алдан, Баатаҕай) буоллулар. Биирдии бэйэлэрэ анал кубогынан нагараадаланнылар уонна 15-тии тыһыынча сууммалаах бириэмийэни В.Г. Дмитриев оҕолоруттан тутан үөрүүлэрэ муҥура суох.
Күрэх үрдүк таһымнаахтык тэриллэн, күрэхтэһээччилэр махтанан тарҕастылар. Суол-иис ырааҕын аахсыбакка, ыраахтан-чугастан мустан, дьиҥ остуол оонньуутун сүгүрүйээччилэрин түһүлгэтэ төрүттэннэ. Уохтаах кымыһынан, арыылаах алаадьынан айах тутан көрсүбүт Найахы оскуолатын коллектива, үһүс төгүллээн В.Г.Дмитриев кэриэһигэр, дьиҥнээх хабылык, хаамыска ыһыаҕын ыста, төрүт остуол оонньуутун көҕүлүттэн тутта.
Күннэй БЕЛОЛЮБСКАЯ,
Дьокуускай к.
